ಗಣಪನಿಗೆ ಪ್ರಿಯವಾದ ಸಿಹಿ ಕಡುಬು ಮಾಡೋ ವಿಧಾನ

ಗಣೇಶ ಚೌತಿ ಬಂತೆಂದರೆ ಗಣೇಶ ಬಂದ… ಕಾಯಿ ಕಡುಬು ತಂದ… ಅಂತ ಹುಡುಗರು, ಮಕ್ಕಳು ಸಂಭ್ರಮದಿಂದ ಹೇಳ್ತಾರೆ. ಗಣಪತಿಗೆ ಮೋದಕ ಹಾಗೂ ಕಡುಬು ತುಂಬಾ ಇಷ್ಟವಾದ ತಿನಿಸು. ಸಿಹಿ ಕಡುಬು ಮಾಡೋ ವಿಧಾನ ಇಲ್ಲಿದೆ ನೋಡಿ

ಬೇಕಾಗುವ ಸಾಮಗ್ರಿಗಳು:
1. ಅಕ್ಕಿ ಹಿಟ್ಟು – 1 ಕಪ್
2. ಮೈದಾಹಿಟ್ಟು – 1 ಚಮಚ
3. ಉಪ್ಪು – 1 ಚಿಟಿಕೆ
4. ತೆಂಗಿನಕಾಯಿ ತುರಿ – 1 ಕಪ್
5. ಬೆಲ್ಲ – 1/2 ಕಪ್
6. ಏಲಕ್ಕಿ – ಸ್ವಲ್ಪ
7. ತುಪ್ಪ – ಸ್ವಲ್ಪ

ಮಾಡುವ ವಿಧಾನ: 
* ಒಂದು ಪಾತ್ರೆಯಲ್ಲಿ ನೀರು ಕುದಿಯಲು ಇಟ್ಟು ಅದಕ್ಕೆ ಒಂದು ಚಿಟಿಕೆ ಉಪ್ಪು ಹಾಕಿ.
* ನೀರು ಕುದಿಯಲು ಆರಂಭಿಸಿದಾಗ ಅಕ್ಕಿ ಹಿಟ್ಟು ಹಾಗೂ ಮೈದಾಹಿಟ್ಟು ಹಾಕಿ 2-3 ನಿಮಿಷ ಬೇಯಲು ಬಿಡಿ.
* ಪಾತ್ರೆಯನ್ನ ಒಲೆಯಿಂದ ಕೆಳಗಿಳಿಸಿ, ಒಂದು ಚಮಚ ತುಪ್ಪ ಹಾಕಿ ಹಿಟ್ಟನ್ನು ಗಂಟಿಲ್ಲದಂತೆ ಚೆನ್ನಾಗಿ ನಾದಿಕೊಳ್ಳಿ.
* ನಂತರ ಹಿಟ್ಟನ್ನ ನಿಂಬೆಹಣ್ಣಿನ ಗಾತ್ರಕ್ಕೆ ಉಂಡೆ ಮಾಡಿಕೊಂಡು ಬದಿಗಿಡಿ.
* ಒಂದು ಪಾತ್ರೆಯನ್ನ ಸ್ಟವ್ ಮೇಲೆ ಇಟ್ಟು ಪುಡಿ ಮಾಡಿದ ಬೆಲ್ಲ ಹಾಕಿ ಕರಗಿಸಿ.
* ಬೆಲ್ಲದಲ್ಲಿ ಕಸ ಇದ್ದರೆ ಸೋಸಿಕೊಳ್ಳಿ.
* ನಂತರ ಇದಕ್ಕೆ ತೆಂಗಿನಕಾಯಿ ತುರಿಯನ್ನು ಹಾಕಿ ನೀರಿನ ಅಂಶ ಹೋಗುವವರೆಗೆ ಚೆನ್ನಾಗಿ ಫ್ರೈ ಮಾಡಿ.
* ಕೊನೆಯಲ್ಲಿ ಏಲಕ್ಕಿ ಪುಡಿ ಬೆರೆಸಿ ಒಲೆಯಿಂದ ಕೆಳಗಿಳಿಸಿ.
* ಅಕ್ಕಿಹಿಟ್ಟಿನ ಉಂಡೆಯನ್ನು ಪೂರಿಯಂತೆ ತಟ್ಟಿಕೊಂಡು ಅದರ ಮಧ್ಯಭಾಗಕ್ಕೆ ಸ್ವಲ್ಪ ಹೂರಣ ಇಟ್ಟು ಹಿಟ್ಟಿನ ಅಂಚನ್ನು ಪ್ರೆಸ್ ಮಾಡಿ ಮಡಚಿಕೊಳ್ಳಿ.
* ನಂತರ ಇದನ್ನ ಇಡ್ಲಿ ಕುಕ್ಕರ್‍ನಲ್ಲಿ ಇಟ್ಟು 5-6 ನಿಮಿಷ ಬೇಯಿಸಿ.
* ತುಪ್ಪದ ಜೊತೆ ಸವಿಯಲು ಕೊಡಿ.

The post ಗಣಪನಿಗೆ ಪ್ರಿಯವಾದ ಸಿಹಿ ಕಡುಬು ಮಾಡೋ ವಿಧಾನ appeared first on Kannada Public tv.