ಮುಂಬೈ: ಚಿನ್ನದ ಬೆಲೆಯಲ್ಲಿ ಮತ್ತೆ ಇಳಿಕೆಯಾಗಿದ್ದು, 10 ಗ್ರಾಂ ಚಿನ್ನದ ಬೆಲೆ 250 ರೂ. ಕಡಿಮೆಯಾಗಿದೆ. ಜ್ಯುವೆಲ್ಲರಿ ವ್ಯಾಪಾರಿಗಳು ಮತ್ತು ಹೂಡಿಕೆದಾರರು ಚಿನ್ನ ಖರೀದಿಯಿಂದ ಹಿಂದಕ್ಕೆ ಸರಿದ ಕಾರಣ ಚಿನ್ನದ ಬೆಲೆ 11 ತಿಂಗಳ ಕನಿಷ್ಠಕ್ಕೆ ತಲುಪಿದೆ.
250 ರೂ. ಇಳಿಕೆಯಾದ ಕಾರಣ 10 ಗ್ರಾಂ ಚಿನ್ನದ ದರ 27,550 ಆಗಿದೆ. ಬೆಳ್ಳಿಯೂ 210 ರೂ. ಇಳಿಕೆಯಾಗಿದ್ದು ಒಂದು ಕೆಜಿ ಬೆಳ್ಳಿ ದರ 38,660 ರೂ. ಆಗಿದೆ.
ನೋಟ್ ನಿಷೇಧಗೊಂಡ ಬಳಿಕ ಬೇಡಿಕೆ ಕಡಿಮೆ, ಸಾಲು ಸಾಲು ರಜೆಯಿಂದಾಗಿ ಚಿನ್ನ, ಬೆಳ್ಳಿ ಧಾರಣೆಯಲ್ಲಿ ಇಳಿಕೆಯಾಗಿದೆ. ಫೆಬ್ರವರಿ 9ರಂದು 10 ಗ್ರಾಂ ಚಿನ್ನ 28,585 ರೂ. ಬೆಲೆಯಲ್ಲಿ ಮಾರಾಟವಾಗಿತ್ತು.
ಚಿನಿವಾರ ಪೇಟೆಯಲ್ಲಿ ಡಿಸೆಂಬರ್ 9ರಂದು ಚಿನ್ನದ ಬೆಲೆಯಲ್ಲಿ 145 ರೂ. ಕುಸಿತಗೊಂಡರೆ ಬೆಳ್ಳಿ ಬೆಲೆಯಲ್ಲಿ 185 ರೂ. ಇಳಿಕೆಯಾಗಿತ್ತು.