ನವದೆಹಲಿ: ಎಐಸಿಸಿ ಉಪಾಧ್ಯಕ್ಷ ರಾಹುಲ್ ಗಾಂಧಿಯ ಟ್ವಿಟ್ಟರ್ ಖಾತೆ ಹ್ಯಾಕ್ ಆದ ಬೆನ್ನಲ್ಲೇ ಇದೀಗ ಕಾಂಗ್ರೆಸ್‍ನ ಅಧಿಕೃತ ಟ್ವಿಟ್ಟರ್ ಖಾತೆ @INCIndia ಕೂಡ ಹ್ಯಾಕ್ ಆಗಿದೆ. ಖಾತೆಯನ್ನ ಹ್ಯಾಕ್ ಮಾಡಿ ನಿಂದನಾತ್ಮಕ ಟ್ವೀಟ್‍ಗಳನ್ನು ಪೋಸ್ಟ್ ಮಾಡಿದ್ದಾರೆ.
ಟ್ವೀಟ್‍ಗಳು ಬಂದ 30 ನಿಮಿಷದೊಳಗೆ ಅದನ್ನ ಡಿಲೀಟ್ ಮಾಡಲಾಗಿದ್ದು ಈ ಬಗ್ಗೆ ದೆಹಲಿಯ ಸೈಬರ್ ಪೊಲೀಸರಿಗೆ ದೂರು ನೀಡಲಾಗಿದೆ. ಈ ಕೃತ್ಯದ ಹಿಂದೆ ಯಾರ ಕೈವಾಡವಿದೆ ಎನ್ನುವುದು ಸದ್ಯಕ್ಕೆ ತಿಳಿದುಬಂದಿಲ್ಲ.
ಬುಧವಾರ ರಾತ್ರಿಯಷ್ಟೇ ರಾಹುಲ್ ಗಾಂಧಿಯ ಅಧಿಕೃತ ಟ್ವಿಟ್ಟರ್ ಖಾತೆಯನ್ನು ಕಿಡಿಗೇಡಿಗಳು ಹ್ಯಾಕ್ ಮಾಡಿ 8 ನಿಂದನಾತ್ಮಕವಾದ ಟ್ವೀಟ್‍ಗಳನ್ನ ಪೋಸ್ಟ್ ಮಾಡಿದ್ದರು. 1 ಗಂಟೆಯೊಳಗೆ ಆ ಟ್ವೀಟ್‍ಗಳನ್ನು ಡಿಲೀಟ್ ಮಾಡಲಾಗಿದ್ದು ರಾಹುಲ್ ಗಾಂಧಿ ಅವರ ಟ್ವಿಟ್ಟರ್ ಖಾತೆಯನ್ನು ರಿಸ್ಟೋರ್ ಮಾಡಲಾಗಿದೆ.
ಕಾಂಗ್ರೆಸ್ ಪಕ್ಷದ ಅಧಿಕೃತ ಖಾತೆಗೆ ಈಗಾಗಲೇ ಸುಮಾರು 13 ಲಕ್ಷಕ್ಕೂ ಹೆಚ್ಚಿನ ಫಾಲೋವರ್ಸ್ ಇದ್ದಾರೆ ಹಾಗೂ ರಾಹುಲ್ ಗಾಂಧಿ(@OfficeofRG) ಅಧಿಕೃತ ಖಾತೆಯಲ್ಲಿ 12 ಲಕ್ಷಕ್ಕೂ ಫಾಲೋವರ್ಸ್ ಇದ್ದಾರೆ
ಇದನ್ನೂ ಓದಿ: ರಾಹುಲ್ ಗಾಂಧಿ ಟ್ವಿಟ್ಟರ್ ಖಾತೆ ಹ್ಯಾಕ್