ಮೈಸೂರು: ಈ ಬಾರಿ ಅರಮನೆ ನಗರಿಗೆ ಅರಮನೆಯಂತ ರೈಲು ಬರುತ್ತಿದೆ. ಹೌದು, ಇದೇ ಮೊದಲ ಬಾರಿಗೆ ಸುವರ್ಣರಥ ಅರ್ಥಾತ್ ಗೋಲ್ಡನ್ ಚಾರಿಯಟ್ ನಾಡಹಬ್ಬಕ್ಕಾಗಿ ಮೈಸೂರಿನಲ್ಲಿ ಸಂಚರಿಸಲಿದೆ.
ಅಕ್ಟೋಬರ್ 1, 3, 5, 7 ಮತ್ತು 9ರಂದು ಬೆಂಗಳೂರಿನ ಯಶವಂತಪುರ ನಿಲ್ದಾಣದಿಂದ ಗೋಲ್ಡನ್ ಚಾರಿಯಟ್ ಹೊರಡಲಿದೆ. ಮೈಸೂರು ಮತ್ತು ಅಲ್ಲಿಂದ ಶ್ರೀರಂಗಪಟ್ಟಣಕ್ಕೆ ತೆರಳಲಿದೆ. ದರಿಯಾ ದೌಲತ್, ಟಿಪ್ಪು ಮ್ಯೂಸಿಯಂ, ಜಗಮನೋಹನ ಅರಮನೆ, ಲಲಿತ್ ಮಹಲ್ ಅರಮನೆಯನ್ನು ವೀಕ್ಷಿಸಬಹುದಾಗಿದೆ. ಅವತ್ತು ರಾತ್ರಿ ರೈಲಿನಲ್ಲಿ ಊಟ ಮಾಡಿ ಪ್ರಯಾಣಿಕರು ಬೆಂಗಳೂರಿಗೆ ಮರಳಬಹುದು.
ಟಿಕೆಟ್ ಬೆಲೆ ಎಷ್ಟು?: ಈಗಾಗಲೇ ಆನ್‍ಲೈನ್ ಮೂಲಕ ಗೋಲ್ಡನ್ ಚಾರಿಯಟ್ ಟಿಕೆಟ್ ಬುಕ್ಕಿಂಗ್ ಆರಂಭವಾಗಿದೆ. ಈ ಐಷಾರಾಮಿ ರೈಲಿನಲ್ಲಿ ಎರಡು ರಾತ್ರಿ ಮತ್ತು ಒಂದು ದಿನ ಕಳೆಯಬಹುದು. ಕೊಡ್ಬೇಕಾಗಿರುವ ಕಾಸು ಒಬ್ಬರಿಗೆ 30 ಸಾವಿರ ರೂಪಾಯಿ. ಈ ರೈಲಲ್ಲಿ 44 ಲಕ್ಷುರಿ ಕ್ಯಾಬಿನ್‍ಗಳಿದ್ದು 88 ಪ್ರಯಾಣಿಕರಷ್ಟೇ ಹೋಗಬಹುದು.
2008ರಲ್ಲಿ ಕರ್ನಾಟಕ ಪ್ರವಾಸೋದ್ಯಮ ನಿಗಮ ಮತ್ತು ರೈಲ್ವೆ ಸಚಿವಾಲಯದ ಜಂಟಿ ಸಹಭಾಗಿತ್ವದಲ್ಲಿ ದಕ್ಷಿಣ ಭಾರತದಲ್ಲಿ ಅತ್ಯಂತ ದುಬಾರಿಯಾಗಿರುವ ಗೋಲ್ಡನ್ ಚಾರಿಯಟ್ ರೈಲು ಸೇವೆಯನ್ನು ಆರಂಭಿಸಲಾಗಿತ್ತು.
The post ಫಸ್ಟ್ ಟೈಂ: ದಸರಾಗೆ ಅರಮನೆ ನಗರಿಯಲ್ಲಿ ಸಂಚರಿಸಲಿದೆ ಸುವರ್ಣರಥ – ಟಿಕೆಟ್ ಬೆಲೆ ಎಷ್ಟು ಗೊತ್ತಾ? appeared first on Kannada Public tv.