– 8 ನಿಂದನಾತ್ಮಕ ಟ್ವೀಟ್‍ಗಳನ್ನ ಪೋಸ್ಟ್ ಮಾಡಿದ ಹ್ಯಾಕರ್ಸ್
ನವದೆಹಲಿ: ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಟ್ವಿಟ್ಟರ್ ಅಕೌಂಟ್ ಹ್ಯಾಕ್ ಆಗಿದೆ. ಬುಧವಾರ ರಾತ್ರಿ 8.30ರ ಸುಮಾರಿಗೆ ಹ್ಯಾಕರ್‍ಗಳು ರಾಹುಲ್ ಗಾಂಧಿಯ ಅಧಿಕೃತ ಟ್ವಿಟ್ಟರ್ ಅಕೌಂಟ್ @OfficeOfRG ಹ್ಯಾಕ್ ಮಾಡಿ ಎಂಟು ನಿಂದನಾತ್ಮಕ ಸಂದೇಶಗಳನ್ನ ಪೋಸ್ಟ್ ಮಾಡಿದ್ದಾರೆ.
ಈ ಪೈಕಿ ಒಂದು ಪೋಸ್ಟ್ ನಲ್ಲಿ ನನ್ನ ಕುಟುಂಬ ಭ್ರಷ್ಟಾಚಾರಿಗಳ, ಹುಚ್ಚರ ಗುಂಪಾಗಿದೆ ಎಂದು ಬರೆಯಲಾಗಿತ್ತು. ಒಂದು ಗಂಟೆಯೊಳಗೆ ಎಲ್ಲಾ 8 ನಿಂದನಾತ್ಮಕ ಟ್ವೀಟ್‍ಗಳನ್ನ ಡಿಲೀಟ್ ಮಾಡಲಾಗಿತ್ತು. ನಂತರ ಮತ್ತೆ ಹೊಸ ಟ್ವೀಟ್‍ಗಳು ಬಂದವು. ಹ್ಯಾಕರ್‍ಗಳು ರಾಹುಲ್ ಗಾಂಧಿಯ ಪ್ರೊಫೈಲ್ ಫೋಟೋವನ್ನು ಕೂಡ ತೆಗೆದು, ಖಾತೆಯ ಹೆಸರನ್ನು ಕೂಡ ಬದಲಿಸಿದ್ದರು.
ಸದ್ಯಕ್ಕೆ ಎಲ್ಲಾ ನಿಂದನಾತ್ಮಕ ಟ್ವೀಟ್‍ಗಳನ್ನು ಡಿಲೀಟ್ ಮಾಡಲಾಗಿದ್ದು, ಖಾತೆಯನ್ನು ರೀಸ್ಟೋರ್ ಮಾಡಲಾಗಿದೆ. ಈ ಬಗ್ಗೆ ನಗರದ ಸೈಬರ್ ಸೆಲ್ ಪೊಲೀಸರಿಗೆ ದೂರು ನೀಡುವುದಾಗಿ ಕಾಂಗ್ರೆಸ್‍ನ ಮಾಧ್ಯಮ ಸಂಯೋಜಕರಾದ ಪ್ರವೀಣ್ ಝಾ ಪತ್ರಿಕೆಯೊಂದಕ್ಕೆ ಹೇಳಿಕೆ ನೀಡಿದ್ದಾರೆ.