ಬೆಂಗಳೂರು: ಬಿಗ್‍ಬಾಸ್ ಮನೆಯ ಆಟದ ಗಮ್ಮತ್ತು ಜೋರಾಗುತ್ತಿದ್ದಂತೆ ಬಗೆ ಬಗೆಯ ಆಟ ಹಾಗೂ ಬಹುಮಾನಗಳನ್ನು ಪಡೆಯಲು ಬಿಗ್‍ಬಾಸ್ ಸ್ಪರ್ಧಿಗಳು ಜಿದ್ದಿಗೆ ಬಿದ್ದಿದ್ದಾರೆ. ಈ ನಡುವೆ ಬಿಗ್ ಬಾಸ್ ಈ ಸಲ ಕಪ್ ನಮ್ದೇ ಎಂಬ ಹೆಸರಿನ ಟಾಸ್ಕ್ ಒಂದನ್ನು ಕೊಟ್ಟಿದ್ದಾರೆ.
ಸ್ಪರ್ಧಿಗಳು ಈ ಟಾಸ್ಕ್‍ನಲ್ಲಿ ಕಪ್‍ಗಳನ್ನು ಸರಿಯಾಗಿ ಜೋಡಿಸಲು ನಾ ಮುಂದು ತಾ ಮುಂದು ಎಂದುಕೊಂಡು ಆಟವಾಡಿದರು. ಈ ಆಟದಲ್ಲಿ ಕೊನೆಯಲ್ಲಿ ವಿಶ್ವನಾಥ್ ಮತ್ತು ದಿವ್ಯ ಸುರೇಶ್ ಜೋಡಿ ಗೆದ್ದು ಕಪ್ ತಮ್ಮದಾಗಿಸಿಕೊಂಡರು.
ವಿಶ್ವನಾಥ್ ದಿವ್ಯ ಸುರೇಶ್ ಜೋಡಿ ಕಪ್ ನಮ್ದೇ ಆಟ ಗೆಲ್ಲುತ್ತಿದ್ದಂತೆ ರಾಜೀವ್ ಬಹುಮಾನವನ್ನು ನೀಡಿದರು. ಬಹುಮಾನ ಪಡೆದು ಖುಷಿ ಪಟ್ಟ ವಿಶ್ವನಾಥ್ ಜೋಡಿ ಆ ಬಹುಮಾನವನ್ನು ಮತ್ತೆ ಕಾಪಾಡುವ ಮತ್ತು ಬಚ್ಚಿಡುವ ಕೆಲಸಕ್ಕೆ ಮುಂದಾಗಿದ್ದಾರೆ.
ಬಿಗ್‍ಬಾಸ್ ಮನೆಯ ಇತರ ಸ್ಪರ್ಧಿಗಳಿಗೆ ಸಿಗದಂತೆ ತಮಗೆ ಸಿಕ್ಕ ಬಹುಮಾನವನ್ನು ವಿಶ್ವನಾಥ್ ಮತ್ತು ದಿವ್ಯ ಸುರೇಶ್ ಜೋಡಿ ಉಪಾಯದಿಂದ ಪೊರಕೆಯಲ್ಲಿ ಸೇರಿಸಿ ಬಚ್ಚಿಟ್ಟಿದ್ದಾರೆ ಈ ಮೂಲಕ ತಮಗೆ ಬಚ್ಚಿಡಲು ಸಿಕ್ಕಂತಹ ಅವಕಾಶವನ್ನು ಉಪಾಯದಿಂದ ಬಳಸಿಕೊಂಡಿದ್ದಾರೆ.