ಆಧುನಿಕ ಕಾಲದಲ್ಲಿ ತಂತ್ರಜ್ಞಾನ ಬೆಳವಣಿಗೆ ಕಂಡಿದ್ದು, ಎಲ್ಲಾ ಕ್ಷೇತ್ರಗಳಲ್ಲಿ ಹೊಸ ಹೊಸ ಯಂತ್ರಗಳು ಲಗ್ಗೆ ಇಡುತ್ತಿವೆ. ಈ ಯಂತ್ರಗಳಿಂದ ಕಾರ್ಮಿಕ ಶಕ್ತಿ ಕಡಿಮೆ ಮಾಡಿ ಕೆಲಸವನ್ನು ಹಗುರ ಮಾಡಿಕೊಳ್ಳಬಹುದು ಎಂಬುವುದನ್ನು ಈ ವಿಡಿಯೋ ನಿಮಗೆ ತೋರಿಸುತ್ತದೆ.
ರೈತರೊಬ್ಬರು ತಮ್ಮ ತೋಟದಲ್ಲಿ ತೆಂಗಿನ ಮರದ ಕೆಳಗೆ ಮಣ್ಣನ್ನ ಸಡಿಲಗೊಳಿಸುತ್ತಿದ್ದಾರೆ. ಇಲ್ಲಿ ರೈತ ಒಂದು ಹೊಸ ಯಂತ್ರದ ಮೂಲಕ ಮಣ್ಣನ್ನು ಹದಗೊಳಿಸಿ, ಮರದ ಕೆಳಗೆ ನೀರು ನಿಲ್ಲುವ ಹಾಗೆ ಮಾಡುತ್ತಿದ್ದಾರೆ. ಕೇವಲ ಕೆಲವೇ ನಿಮಿಷಗಳಲ್ಲಿ ರೈತ ಈ ಕೆಲಸವನ್ನು ಯಂತ್ರದ ಸಹಾಯದಿಂದ ಮಾಡಿದ್ದಾರೆ. ಅದೇ ಕೆಲಸವನ್ನು ಒಬ್ಬ ರೈತ ಮಾಡಬೇಕಾದರೆ ಸುಮಾರು ಒಂದರಿಂದ ಎರಡು ಗಂಟೆಗಳ ಸಮಯವನ್ನು ವ್ಯಯ ಮಾಡಬೇಕು. ಆದರೆ ಅದೇ ಮಷಿನ್‍ನಿಂದ ಮಾಡಿದ್ದಲ್ಲಿ ಕೇವಲ ಒಂದೆರೆಡು ನಿಮಿಷಗಳಲ್ಲಿ ಮಾಡಿ ಮುಗಿಸಬಲ್ಲ.
ಈ ವಿಡಿಯೋವನ್ನ ರೋಸ್ ಮೀಡಿಯಾ ಎಂಬ ಫೇಸ್‍ಬುಕ್ ಪೇಜ್‍ನಲ್ಲಿ ಅಪ್‍ಲೋಡ್ ಮಾಡಲಾಗಿದ್ದು, ಒಂದೇ ದಿನಕ್ಕೆ 7 ಲಕ್ಷಕ್ಕೂ ಅಧಿಕ ಬಾರಿ ವೀಕ್ಷಣೆಯಾಗಿದೆ. ವಿಡಿಯೋ ನೋಡಿದ ಕೆಲವು ಜನರು ಈ ತಂತ್ರ ನನಗೆ ಬೇಕು ಎಂದು ಕಮೆಂಟ್ ಹಾಕಿದ್ದರೆ, ಇನ್ನೂ ಕೆಲವರು ಇದು ಮಾನವನ ಉದ್ಯೋಗವನ್ನು ಕಿತ್ತುಕೊಳ್ಳುತ್ತದೆ ಎಂದು ಕಮೆಂಟ್ ಮಾಡಿದ್ದಾರೆ.
