ನ್ಯೂಯಾರ್ಕ್: ಕಾರೊಂದು ಏಕಾಏಕಿಯಾಗಿ ಶಾಪಿಂಗ್ ಸ್ಟೋರ್‍ನೊಳಗೆ ನುಗ್ಗಿದ್ದು, ಗ್ರಾಹಕರೊಬ್ಬರು ಪವಾಡ ಸದೃಶರಾಗಿ ಪಾರಾದ ಘಟನೆ ಅಮೆರಿಕಾದಲ್ಲಿ ನಡೆದಿದೆ. ಈ ಘಟನೆಯ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನ್ಯೂಯಾರ್ಕ್‍ನ ಸ್ಟೋರ್‍ವೊಂದರಲ್ಲಿ ಗ್ರಾಹಕರೊಬ್ಬರು ಎರಡು ಕಪಾಟಿನ ಮಧ್ಯದಲ್ಲಿ ನಿಂತು ವಸ್ತುಗಳ ಮೇಲೆ ಕಣ್ಣಾಡಿಸುತ್ತಿದ್ರು. ಈ ಸಂದರ್ಭದಲ್ಲಿ ಏಕಾಏಕಿಯಾಗಿ ಬಿಳಿ ಬಣ್ಣದ ಕಾರು ಒಳಗಡೆ ನುಗ್ಗಿದೆ. ಪರಿಣಾಮ 2 ಕಪಾಟುಗಳು ನೂಕಲ್ಪಟ್ಟು, ಗ್ರಾಹಕ ಅದರ ಮಧ್ಯೆ ಸಿಲುಕಿದ್ದರು.
ಸ್ಥಳೀಯ ಮಾಧ್ಯಮಗಳ ಪ್ರಕಾರ, ಘಟನೆಯಲ್ಲಿ ಗಾಯಗೊಂಡ ಗ್ರಾಹಕ 37 ವರ್ಷದ ಮಾರ್ಕಸ್ ಕೊಲ್ಲಾಡೊ ಅವರಿಗೆ ಚಿಕಿತ್ಸೆ ಕೊಡಿಸಲಾಗಿದ್ದು ಸಣ್ಣ ಪುಟ್ಟ ಗಾಯಗಳು ಬಿಟ್ಟರೆ ಹೆಚ್ಚಿನ ಅಪಾಯವೇನೂ ಆಗಿಲ್ಲ ಎಂದು ವರದಿಯಾಗಿದೆ.
ಸದ್ಯ 65 ವರ್ಷದ ಕಾರಿನ ಚಾಲಕಿಯನ್ನು ಕೂಡ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆಕೆಗೆ ಹೆಚ್ಚಿನ ಗಾಯಗಳೇನು ಆಗಿಲ್ಲ ಎಂಬುವುದಾಗಿ ತಿಳಿದುಬಂದಿದೆ. ಚಾಲಕಿಯ ನಿಂತ್ರಣ ತಪ್ಪಿ ಈ ಘಟನೆ ನಡೆದಿದ್ಯಾ ಎಂಬುವುದು ಇನ್ನೂ ಸ್ಪಷ್ಟವಾಗಿಲ್ಲ.